Pak javë më parë futbollistët shqiptarë Xherdan Shaqiri dhe Granit Xhaka bënë xhiron e botës, pasi supergolat e tyre i dhanë fitoren e merituar Zvicrës. Në nder të tyre shumë gazeta prestigjioze shkruajtën artikuj ku tregonin vlerësimin dhe mbështetjen për futbollistët shqiptarë.
Ndërsa ditën e sotme janë përsëri mediat e huaja dhe persona të cilët i përkasin sportit që po ‘bombardojnë’ Xhakën dhe Shaqirin duke i cilësuar si lojtarë të dobët. Trajneri i ekipit të Anglisë për femra, Phil Nevile ka treguar se Xherdani është turp për skuadrën dhe se nuk di të bëjë gjë tjetër veçse të përdridhet në fushë.
“Unë nuk jam tifoz i Shaqirit, ai ishte një turp në ekipin e Stoke, sjellja e tij ishte shokuese. Ata ishin joprofesional sezonin e kaluar. Nuk ka dyshim dhe ai është shembulli për këtë. Ai mund të shënonte golin e turneut, por zgjodhi të jetë atje për tri ndeshje, të mos bëjë asgjë dhe vetëm të tundet. Të jem i sinqertë me ju, me të, lojtarë të tillë nuk mund të kem”, është shprehur Phil.
Ndërkohë një media britanike shkruan për Granitin se mbrojtja e tij ishte e dobët. Ata e fajësojnë se ishte faji i atij që Zvicra shënoi sot humbje në këtë fazë të botërorit.
“Zvicra u eliminua nga Botërori. Ata nuk mund të gjenin një mënyrë për të mposhtur një ekip suedez kokëfortë dhe shumë të organizuar mirë. Goli i Forsberg pas 66 minutash i dha skandinavëve një fitore dhe një vend në çerekfinale kundër Kolumbisë ose Anglisë. Suedia u ndihmua të shënonte gol nga një mbrojtje shumë e dobët e Granit Xhakës. Mesfushori i Arsenalit shënoi një nga golat e turneut në ndeshjen kundër Serbisë dhe është një lojtar kyç për Zvicrën. Por ai ishte shumë keq për golin e Forsberg. Xhaka u zhyt në një sfidë dhe përfundoi duke i dhënë hapësirë mesfushorit suedez që të driblonte dhe të shënonte. Ishte një gabim i kushtueshëm që ishte krejtësisht i shmangshëm, por ndoshta nuk duhet të habitemi shumë. Sezonin e kaluar, Xhaka kruante hundën teksa Tom Cleverley shënoi”, shkruan portali britanik./revistawho.com
