Ndonjëherë t’ju sigurosh kafshëve ushqim, strehim dhe kujdesje veterinare nuk mjafton. Ato kërkojnë edhe kujdesje të përditshme sidomos tani qe koha sa vjen edhe nxehet. Ne po ju tregojmë disa këshilla në mënyrë që të përgatiteni për muajt e nxehtë, në mënyrë që qeni apo macja juaj të përballojë të nxehtin.
3.Rëndësia e ujit
Duhet që qeni dhe macja të kenë gjithmonë në dispozicion një tas me ujë i cili duhet të ndërrohet disa herë në ditë, ndërsa ai duhet të lihet në vende të arritshme për ta. Uji duhet të jetë i freskët dhe asnjëherë i ngrirë.
2.Jo ajër të kondicionuar, por ventilator
Kushtojini vëmendje ajrit të kondicionuar, sepse mund të jetë i rrezikshëm për shëndetin e mikut tonë me katër këmbë. Më mirë është të përdorni një ventilator të drejtuar lart, në tavan. Në këtë mënyrë, ventilatori do të qarkullojë ajrin dhe do të krijojë freski, pa ndryshuar kushtet mjedisore.
3-Ambientet e mbyllura Një vëmendje e veçantë duhet t’i kushtohet edhe udhëtimeve me makinë apo ambienteve të mbyllura. Pasi qarkullimi i ajrit është shumë i rëndësishme për kafshët, e sidomos për qenin dhe macen.
4.Ushqimet
Këshillohet që qenin apo macen ta ushqeni në orët e freskëta të ditës, herët në mëngjes dhe në mbrëmje vonë. Jepini ushqim të butë. Macet duhet të kenë gjithmonë në dispozicion një tas me ushqim, përveçse me ujë. Ndërsa për qentë vlen të thuhet se ata duhet të udhëhiqen për të ecur gjithmonë përpara se të hanë.
5.Më shumë vëmendje për këlyshët
Këlyshët e ndiejnë më shumë të nxehtin se sa të rriturit, kështu ata kanë nevojë për këshillat të cilat ju thamë më lart.
