Të jesh një person i famshëm do të thotë të përballesh me gjithçka, por çdo gjë e ka një limit.
Ditën e djeshme këngëtari i njohur Gjergj Kaçinari në profilin e tij të ‘Facebook’ postoi një fotografi të 6 viteve më parë ku shfaqej pranë Oriola Mariashit. Por kjo fotografi shkaktoi shumë polemika, sepse jo vetëm njerëzit por kudo në media filloi të komentohej ndryshimi i Oriolës.
Por nuk u mbyll me kaq, sepse ditën e sotme Oriola vendosi të flasë e t’u mbyllë gojën të gjithëve. Me anë të një postimi në ‘InstaStory’ ajo bëri një reagim të gjatë për ata që shkruajtën se “i nxorën të vërtetën”. “Unë mendoj se ajo që ti e quan ‘i nxjerr të vërtetën’ realisht është ‘cyber bullying’ dhe është ligjërisht e dënueshme…është fatkeqësi që një injoranti t’i jepen të mira të përdorueshme si interneti e rrjetet sociale, por është më fatkeqësi që kemi individ të tjerë që e mbështesin, e mendojnë se është argëtuese, e drejtë apo ku di unë dhe i japin platformë ekspozimi në televizion. Më vjen keq me brezin e ri që po rritet me këtë frymë dhe në subkoshiencë po ju piqet ideja që është gabim të trajtosh komplekset që të ndihesh mirë me veten.” ka shkruar Oriola. ‘Cyber Byllying’ është një formë e ngacmimit, por nëpërmjet mjeteve digjitale si celulari, kompjuteri, tableti etj.
Më pas shkrimin e saj Oriola e shoqëroi me disa fotografi përpara adoleshencës. /revistawho.com
