I ofrohen miliona dollarë për të publikuar foton e foshnjes së saj, ja çfarë vendimi merr Kim Kardashian

Kim Kardashian dhe Kanye West u janë ofruar me miliona dollarë për të publikuar fotot e fëmijës së tyre të tretë, por ata i kanë refuzuar të gjitha ofertat. Disa burime brenda familjes thanë për portalin e huaj ‘TMZ’ se disa revista dhe gazeta kanë filluar me ofertat shumë muaj më parë. Të gjitha ofertat ishin me milliona dollarë dhe më e pakta varionte nga 2-5 milion dollarë. Kim dhe Kanye nuk pranuan asnjëherë, sepse në atë mënyrë ata do të shkelnin mbi moralin e tyre. Siguria e familjes për ta është më e rëndësishmja nga të gjitha gjërat. Edhe në të shkuarën Kim dhe Kanye i kanë publikuar fotografitë e dy fëmijëve të tjerë, North dhe Saint, dy muaj pas lindjes së tyre. Prandaj në mars duhet të kontrolloni ‘Instagram’-in e Kim mos ka ndonjë foto të vogëlushes.