Kur një 23-vjeçar i papunë e bleu katër vite më parë, nuk ishte veçse një shpellë e gërryer në gur. Por sot është trasnformuar falë këmbënguljes së të riut, duke u bërë një strukturë mikpritëse e gjithashtu një mënyrë fitimi. Kjo është historia që nisi në Loira, Francë, ku i riu Alexis Lamoureux arriti të merrte në pronësi një shpellë siç ka shumë në atë zonë. Ai për të shpenzoi vetëm 1 euro. Ai bashkë me të dashurën, kishin mbetur pa punë pas mbylljes së barit kur punon prej tri vitesh. Kështu Alexis nisi të mendonte për një vendbanim më ekonomik për t’u mbajtur. Iu kujtua një shpellë, në të cilën kishte jetuar tezja e tij 25 vite më parë.
Kur shkoi ta shihte, shpella ishte e mbushur me plehra, pa ujë të rrjedhshëm dhe elektricitet. Por djaloshi e pa në perspektivë e sapo qeveria e nxorri shpellën në ankand, ai ofroi shifrën simbolike 1 euro. Nuk kishte të tjerë persona të interesuar për ta blerë. Për 1 vit duke investuar të gjitha kursimet që kishin, Alexis dhe e dashura e tij arritën ta transformonin shpellën e pistë në një banesë të bukur e tashmë shumë të suksesshme.
Ka shumë kërkesa nga njerëzit që duan të kalojnë natën në dhomën e pazakontë të gjumit të “Amboise Troglodyte Bed and Breakfast. Nëse edhe ju keni dëshirë të shkoni, e gjeni fare lehtë në internet. Kjo është një nga ato histori, që reklamën e bën vetë./ revistawho.com
