Moderatori i dashur i publikut shqiptar, Ardit Gjebrea ka uruar festat e fundvitit me anë të një fotoje të publikuar në llogarinë e tij në ‘Instagram’. Duke ndezur qirinjtë, Gjebrea i ka dedikuar fjalët më të ndjera gjithë njerëzve të dashur të tij.
“I pari falenderim për zotin, më pas lutjet për shëndetin dhe begatinë e familjes, për të afërmit, për ata me të cilët punoj, për të gjithë ju që jeni pjesë e jetës sime dhe për ata që nuk i kam në këtë jetë dhe që më presin në jetën tjetër. Ju dua të gjithëve”, ka shkruar Arditi krah postimit më të fundit. Menjëherë pas këtij momenti nuk kanë munguar urimet e ndryshme nga ndjekësit e shumtë të tij, të cilët kanë komentuar në foton e moderatorit.
Kujtojmë se përveç këtyre momenteve, Arditi ndan shpesh foto me të voglën e tij, Ana Gjebrea, e cila duket se është prioriteti kryesor i tij./revistawho.com
