Me siguri këshilltari i Lulzim Bashës, gazetari Edi Lesi nuk ka pasur asnjë synim për të ironizuar zonjën Tefta, kur e ka përmendur atë në një status politik, mirëpo gjithsesi zonjës së njohur për programin e saj të gatimit në televizion, nuk i ka pëlqyer aspak ta shohë emrin e saj në lajmet që janë shkruar me këtë status.
“Jane shfaqur ca aleate qe japin receta cduhet te beje pd, pak te thuhet si zonja tefta qe tregon si gatuhet bifteku dhe ca vlerash kane zarzavatet ne vere. Me shume ngjajne me dermatologet qe te mesojne se dielli i mesdites duhet shmangur. Predikime banale pa asnje te re, pa asnje ide, nderkohe qe leksioni i vetem qe mund te jepnin eshte ti kishin hapur rruge lidershipit te ri ne partite e tyre qe i mbajne ne xhep, si oret e qemotit, prej me shume se dy dekadash”, ishte statusi i Lesit që është e qartë që mund ta ketë me Fatmir Mediun, kryetarin e Partisë Republikane, apo Dashamir Shehin të LZHK-së, të cilët, siç shkruan Panorama në artikullin me titull “Këshilltari i Bashës sulmon aleatët kritikë: Jeni bërë si zonja Tefta që tregon si bëhet byreku”, kanë ngritur fort zërin kundër Bashës.
Sot në mëngjes, Tefta Pajenga, e njohur në publik siç thërritet në program, zonja Tefta, ka reaguar me një status që sigurisht është shumë ndryshe nga gjithë ata që mund të prisnim prej saj.
“Ju kërkoj ndjesë miq për këtë status që nuk është i natyrës time por s’mund të rri pa reaguar ndaj përmendjes së emrit tim!!!!
Më thanë se në faqen e gazetës Panorama, paska patur një shkrim nga një far Edi Lesi i cili i drejtohet aleatëve të PD-së.
Nuk e njoh fare këtë këshilltar, por ai bën mirë që argumentet e tij të mos i gjej te byrekët, biftekët mishi e specat, aq më pak tek emri im. Për këtë varfëri mendimi, e këshilloj të lexojë pak më shumë politikë se ka plot shembuj që mund ta ndihmojnë. Por nga një anë më bëhet qejfi që e ndiqka emisionin tim!!!!”, shkruan zonja Tefta.
Kjo vërteton që politika tani po hyn kudo. Ose që zonja Tefta është kthyer në një personazh e shkëputur nga personi konkret./ Class
