Mbrëmjen e djeshme, Elita Rudi ishte një nga të ftuarat e mbrëmjes së ‘Në Kurthin e Piter Pan’. Moderatorja zbuloi shumë detaje në lidhje me fëmijërinë e saj, vazhdimit të karrierës, kujdesin e Zërit, si dhe për marrëdhënien me bashkëshortin e saj, Gjikon. Megjithatë, vëmendjen e mori pikërisht surpriza e këtij të fundit. Në përfundimin e intervistës, Gjiko u shfaq në skenë dhe i propozoi Elitës për herë të tretë, duke i thënë fjalët më të ëmbla dhe duke i dhuruar një unazë tjetër. Por, kush ishte arsyeja e vërtetë? Reperi ka publikuar një foto në ‘Instagram’ ditën e sotme, ku shfaqen pranë njëri-tjetrit. “I propozova për herë të tretë për t’u siguruar që do të jetë e imja përgjithmonë”, ka shkruar ai krahas fotos, duke shkaktuar kështu shumë reagime nga fansat e tij. Gjatë intervistës, Elita tha se Gjiko ishte një bashkëshort dhe baba i përkushtuar dhe kjo foto, i tregon të gjitha./revistawho.com
https://www.instagram.com/p/BwUvUjWFxat/
