Edhe pse shumë i ri në moshë, duket se këngëtari Endrik Beba nuk do ta mendojë më gjatë, por do t’i thotë “Po” të dashurës së tij Redina këtë verë. Këngëtari, që për më tepër është edhe shumë i adhuruar nga femrat, duket se nuk ka sy për askënd tjetër përveç partneres së tij shkruan “Paloma”. Këtë herë, ndryshe nga sa ka bërë më parë Endriku ka vendosur të qëndrojë më i tërhequr e të mos ekspozohet shumë në media me të dashurën e tij. Megjithatë gjërat ka vendosur t’i bëjë të mëdha, dhe pse ka vetëm pak muaj që është në një lidhje me partneren e tij. Nga disa burime pranë këngëtarit mësohet se përgatitjet kanë filluar dhe këtë verë ai do të kurorëzojë dashurinë me partneren tij në një ceremoni martesore.
