I riu refuzon pasurinë prej 122 miliardë $ të babait

Kryetari i Dalian Wanda Group, Wang Jianlin ka pasuri të paluajtshme ku përfshihen, qendra tregtare, hotele dhe klube sportive. Ai ka një pasuri mbi 122 miliardë dollarë dhe është një ndër njerëzit me të pasur në Kinë. Por gjatë një samiti me sipërmarrësit, Wang ka shprehur shqetësimin e tij, i biri Wang Sicong, 28 vjeç ka refuzuar të marrë përsipër drejtimin e kompanisë. Djali Wang është aktualisht drejtor i Dalian Wanda Group dhe zotëron 2% të aksioneve, por nuk pranon të bëhet trashëgimtar i pasurisë së babit. “I kërkova djalit tim që të bëhet trashëgimtar dhe të vazhdojë drejtimin e bizneseve të mia, por ai nuk ka pranuar. Atij nuk i pëlqen kjo jetë. Ndoshta të rinjtë kanë synime të tjera” – është shprehur ai.