19-vjeçari nga SHBA, Mason Wells, konsiderohet njeriu më me fat në botë pasi i mbijetoi për të tretën herë sulmeve terroriste. Hera tretë ka qenë ditën e djeshme, pasi Mason ndodhej në aeroportin e Brukselit në momentin e shpërthimit të bombave. Ai shpëtoi fatmirësisht me disa plagë të lehta. Aktualisht, ai është nën kujdesin e mjekëve në një spital në Belgjikë. Hera e dytë ka qenë më 13 nëntor, datë kur ndodhën sulmet e Parisit dhe 19-vjecari ishte pikërisht në kryeqytetin francez si një misionar i kishës mormone. Dhe hera e parë ka qenë shumë pranë vendit ku kishte shpërthyer bomba në Maratonën e Bostonit.
