Bebe Rexha ka dalë gjithmonë hapur në mbrojtje të të drejtave të grave dhe vajzave, e këtë gjë përpiqet ta shprehë në çdo postim të saj në rrjete sociale. Këngëtarja me origjinë shqiptare ka rrëfyer shpesh se rrugëtimi i saj në muzikë nuk ka qenë i lehtë për shkak të paragjykimeve dhe duket se të tilla gjëra vazhdojnë të ekzistojnë për të. Së fundmi ajo ka treguar se dikush nga producentët e muzikës i ka kërkuar të mos publikojë më foto provokuese në ‘Instagram’, sepse sipas tij është e plakur dhe nuk duket bukur. Bebe ka vendosur që t’i përgjigjet personit në fjalë publikisht me një foto në të cilën shfaqet e veshur vetëm me të brendshme. Përveç fotos ajo ka lënë dhe një mesazh të fortë.
https://www.instagram.com/p/B1EYi9KlvEL/?igshid=1exw80jr4drtg&fbclid=IwAR1QPr_nGUjcZoa0Ie-O-aHqS40YpK0oq7B1rbjb80vmQyfeU1ZgXLRbaTQ
“Së fundmi një producent muzike mashkull më tha se po plakesha dhe se imazhi im është shumë konfuz. Sepse… unë jam një kantautore dhe postoj foto provokuese në ‘Instagram-in’ tim dhe se kantautoret femra nuk duhet ta bëjnë këtë gjë, sidomos ato të moshës sime. Unë jam 29. Jam e ngopur me të jetuarit brenda një kutie. Unë i vendos vetë rregullat e mia. Jam e lodhur nga të etiketuari e grave si ‘plaka të këqija’ kur plaken dhe djemtë të etiketohen si të bukur me kalimin e moshës. Gjithsesi, unë do të bëj 30 vjeçe në 30 gusht dhe e dini çfarë? Unë nuk do t’ja mbath prej saj. Nuk do të gënjejë për moshën time apo nuk do të këndoj këngë që e ndjej se do të shiten më shumë, sepse ato tingëllojnë si më të reja. Unë do të festoj për moshën time, sepse e dini çfarë? Jam më e zgjuar, më e fortë dhe më besoni jam një e dashur më e mirë se ç’kam qenë 10 vite më parë”, ka shkruar Bebe në postimin e saj. Menjëherë pas këtyre fjalëve Rexha ka marrë mbështetjen e shumë artisteve të tjera, të cilat thonë se ju ka ndodhur pothuajse e njëjta gjë, por nuk do t’i lejojnë të tjerët të vendosin për to. /revistawho.com
