Eva Murati u bë e njohur fillimisht me projektet e saj në modeling dhe film. Pas kësaj ajo vazhdoi karrierën në televizion duke ju besuar kryesisht disa programe televizive për të rinj. Eva u rrit bashkë me ekranin dhe normalisht u rrit edhe nga ana profesionale. Ka disa vite që ajo drejton në ekranin e ‘Vizion Plus’ emisionin sportiv ‘Uefa Champions League’, me analiza dhe komente të ndryshme sportive. Një pjesë e madhe e ndjekësve të programit e pëlqejnë shumë Evën dhe profesionalizmin e saj, por ka dhe nga ata që bëjnë kritika, ndoshta dhe pa vend.
Në ‘Instagram’-in e saj Eva ka publikuar një fotografi dhe ka shkruar: “Reali i Madridit sërish në finalen e Champions… për herë të tretë rradhazi!”. Por një ndjekës në ‘Instagram’ i ka bërë një koment: “Gruaja është për kuzhinë nuk keni opinion për futboll”. Ama Eva nuk e ka lënë pa përgjigje dhe madje përgjigja e saj u pëlqeu të gjithëve: “Bëji ‘like’ vetes se bllok i paske bërë trurit”.
Pas këtyre fjalëve të Evës nuk na mbetet gjë tjetër veçse të themi që ka ardhur koha të mësohemi të gjithë se gjinia nuk përcakton profesionin! /revistawho.com
