Një gjyshe me zemër shumë të madhe ka shkruar një letër të hapur për një hajdut, i cili ka hyrë në shtëpinë e saj dhe i ka vjedhur paratë që ajo kishte mbledhur për Krishtlindje, fiks një ditë pasi ishte diagnostikuar me kancer. Sheila Weston tha se e shkroi letrën në mënyrë që personi, i cili i kishte hyrë në shtëpinë e saj në Leicester në Britaninë e Madhe do të mund ta lexonte dhe do të
kuptonte se çfarë dëmi kishte shkaktuar.
Ja çfarë shkruan 81-vjeçarja në letrën e saj drejtuar hajdutit:
“I dashur hajdut,
Faleminderit që ma shndërrove këtë javë në një prej javëve më të këqija të jetës sime. Sapo kisha mësuar që jam diagnostikuar me kancer të paoperueshëm dhe isha në shtëpinë e mbesës për të ngrënë darkën, kur u ktheva dhe gjeta shtëpinëqë ma kishin vjedhur. Ti më more paratë që kisha mbledhur për Krishtlindje, më shkatërrove dhomat dhe më theve dyert. Jam një e moshuar 81-vjeçare që jetoj vetëm, ndërsa ti më theve besimin që kisha tek njerëzit… Shpresoj të kesh ndërgjegje dhe një ditë të pendohesh për këtë që ke bërë”.
Sheila është nënë e tre fëmijëve, ka 9 nipër e mbesa dhe 11 stërnipër e stërmbesa. Ajo u diagnostikua me kancer ditën e martë, më 16 nëntor, ndërsa shtëpia e saj u vodh ditën e mërkurë, m 17 nëntor mes orës 9 deri në 11 të paradites.
