I vodhi orën 35 mijë euro Getoar Selimit, çfarë vendosi gjykata për 17-vjeçaren nga Kamza

Verën e kaluar reperi i njohur nga Prishtina Getoar Selimi, ra pre e një grabitjeje në apartamentin e tij, në zonën “Kodra e Diellit” në Tiranë. Një vajzë 17-vjeçare i vodhi orën 35 mijë euro. Direkt pas ngjarjes, vajza me inicialet D.K u arrestua nga Policia e Tiranës pasi u mësua se ishte e bija e pastrueses, që këngëtari kishte punësuar për t’iu kujdesur për apartamentin. 17-vjeçarja shkoi në shtëpinë e tij së bashku me të ëmën dhe fshehurazi saj vodhi orën “Hublot” që kushtontë 35 mijë euro. Sipas policisë grabitja u krye kur Getoari dhe Marina nuk ndodheshin në shtëpi. Vajza me banim në Kamëz ia dha orën të dashurit të saj Mërgim Lala për ta fshehur na banesën e tij, por nuk vonoi shumë pasi të dy u arrestuan. Tashmë vetëm disa muaj pas ngjarjes, Gjykata e Tiranës ka përfunduar gjykimin, shkruan sot “Panorama”, duke e shpallur fajtore vajzën dhe të dashurin e saj. Sipas vendimit, gjykata e ka shpallur fjatore vajzën me inicialet D.K me 4 vjet e 6 muaj burg. Dënimi i saj ka shkuar në 3 vjet, për shkak të uljes së një të tretës si rrjedhojë e gjykimit të çështjes me procedurë të gjykimit të shkurtuar. Në përfundim Gjykata e Tiranës, ka vendosur të pezullojë dënimin me burg duke e lënë liri me kusht për një periudhe 5 vjeçare. Gjatë kësaj periudhe e pandehura duhet të mbajë kontakte me Shërbimin e Provës dhe nuk duhet të kryejë asnjë vepër tjetër penale. Gjykata ka deklaruar të fajshëm edhe të dashurin e saj.