Historia mes Icardit dhe Uanda Narës është kthyer në temë dite në Argjentinë. Icardi ka provuar tradhtinë e Uandës me disa imazhe nga kamerat e sigurisë. Ai ka publikuar disa mesazhe që datojnë në vitin 2022 duke e akuzuar ish-gruan se e ka tradhtuar me futbollistin Keita Balde.
Icardi i kërkonte Uanda Narës të pranonte tradhtinë, duke i dërguar edhe fotot e Keita Balde në shtëpinë e tyre.
“Në shtëpinë time. Nuk më besohet. Përse? Zot. Përse? Nuk e meritoja këtë”, shkruante Ikardi, teksa i dërgonte foto të marra nga kamerat e sigurisë në banesën e shtëpisë së tij. “Çfarë bëre në banjë? Çfarë bëre Uanda”, ishin disa nga mesazhet e Icardit asokohe drejtuar gruas së tij me të cilën tashmë, pas dy vitesh, është në proces divorci.
