Me siguri nuk ka njeri në Shqipëri që nuk e njeh Ijen e Bes Kallakut. Aktori i humorit në çdo dalje publike nuk harron që të përshëndesë gjyshen e tij e mbi të gjitha të shprehë falënderimet për të. E në fakt Ija është personazh që i ka bërë të gjithë për vete dhe Besi nuk ka faj që e ka pikën e tij më të dobët.
Ndryshe nga pjesa më e madhe e gjysheve, Ija është e përditësuar me çdo zhvillim teknologjik. Në vetëm pak kohë ajo arriti të kishte një numër shumë të madh ndjekësish në ‘Instagram’ dhe tani Besi na ka treguar se Ija ka filluar të mësojë dhe një funksion të ri në celular. Aktori ka publikuar një fotografi në të cilën shihet duke folur me gjyshen e tij me kamer. “Lidhje me t’pame”, – ka shkruar Besi. Jo vetëm kaq por kjo fotografi tregon se lidhja midis tyre është shumë e fortë edhe kur Besi nuk mund të jetë pranë gjyshes, e gjen mënyrën dhe kohën e duhur për t’u bashkuar me të. /revistawho.com
