Ilda Bejleri bëhet pronarja e “Ruski Bar”

Nëse mendonit se gazetaren “bombë” të SuperSport, Ilda Bejlerin do ta shihnit duke bërë plazh dhe dhuruar foto nga ato që të ndezin imagjinatën, e keni totalisht gabim. Bejleri, imazhi i Digitalb-it ka marrë në “pronësi” “Ruski Bar”, formatin e vetëm televiziv të SuperSport i dedikuar Botërorit, “Rusi 2018”. I konceptuar në formën e një bari real, ku të ftuarit për t’u ndjerë komodë kanë përpara një gotë birrë. Ata mund të diskutojnë, debatojnë, komentojnë, apo vënë skedina për ndeshjet e tyre të preferuara të edicionit të 21-të të ngjarjes më të madhe futbollistike në botë. E njohur për natyrshmërinë e saj, Ilda Bejleri premton një supershow ku do të ketë lidhje direkte nga sheshet kryesore të Tiranës, bareve, lokaleve, baste live dhe të ftuar të fushave të ndryshme për t`i dhënë programit dinamikën e duhur të Botërorit. Nëse doni që ta shijoni birrën e ftohtë dhe Ilda t`iu shërbejë me informacionet më të fundit minutë pas minute, fiksojeni telekomandën tuaj në SuperSport 2 dhe mos bëni gabim ta lëvizni më!