Ilda Bejleri i kthehet baletit në ekran, por gjithë sfidën do ta ketë me mamatë!

Formatet me fëmijët protagonistë tingëllojnë shumë të ëmbël e të paqtë, por në të vërtetë nuk janë aspak kështu. Sidomos kur në spektakël marrin pjesë edhe mamatë, për të cilat dihet se fëmija i tyre është më i bukuri në botë. Këto halle sapo kanë nisur edhe për Ilda Bejlerin, e cila këtë herë rikthehet në ekranin e ABC news me një spektakël që siç thotë ajo e ka kthyer tek baleti.
“Pasi ‘riktheva dallëndyshet’ me një sukses spektakolar i rikthehem baletit në një tjetër spektakël të jashtëzakonshëm…*T’KA MAMI YLL*, Dance Reality Show ’ ne Televizionin ‘ABC’, do të vijë *_Premierë Absolute_* këtë sezon të ri televiziv, nën prezantimin tim!”, shkruan Ilda.
Në qendër do të jenë fëmijët, të cilët në fund do të vlerësohen nga vetë mamat e tyre. Dje ka qenë dita e parë e xhirimeve dhe ne në Who mësuam se nënat kanë nisur debatet që natën e parë të shout. Paç fat Ilda në këtë sfidë, ku veç prezantimit besojmë se do të të duhet shpesh të bëhesh edhe arbitër i mamave!/revistawho.com