Tashmë që politika ka rënë për disa ditë në qetësi, të gjithë deputetët, ministrat, Kryeministri dhe Presidenti kanë gjetur pak kohë për t’u relaksuar. Së bashku me familjet e tyre ata kanë zgjedhur destinacione të ndryshme për të kaluar ditët e nxehta. Presidenti Ilir Meta për pushimet e tij ka udhëtuar në majat më të larta të vendit, në alpet shqiptare, mes gjelbërimit dhe ajrit të pastër.
Përveçse ka vizituar mrekullitë e zonës, Meta ka zhvilluar edhe takime me banorët, të cilët brez pas brezi janë kujdesur të ruajnë bukuritë natyrore. Gjithashtu këto ditë Presidenti është zhveshur nga kostumi zyrtar dhe më sportiv se kurrë më parë ka provuar të ecurën në mal dhe disa sporte ekstreme. Ai ka publikuar në ‘Facebook’ një video duke provuar udhëtimin me ‘zip-line’ në Grykën e Rugovës. Meta e ka cilësuar si nga eksperiencat më fantastike dhe ka treguar se sportet ekstreme kanë qenë gjithmonë dashuria më e madhe për të. /revistawho.com
https://www.facebook.com/ilirmetazyrtar/videos/1870519712994293/
