Daljet publike të djalit të presidentit Ilir Meta janë të pakta, aq sa mund të numërohen me gishtat e dorës. Ai ka vendosur të ruajë një profil të ulët publik pavarësisht se familja e tij mbart mbiemrat më të lakuar në vend.
Por këtë rregull të Besarit sot e ka thyer babai i tij, presidenti Ilir Meta i cili ka postuar në llogarinë e tij personale në “Instagram” një foto me të birin, për të përcjellë një mesazh të rëndësishëm në “Ditën botërore të mjedisit”. Meta ka bërë apel për mbrojtjen e mjedisit dhe bukurive natyrore drejtuar kryesisht brezit të ri.
“Sot në Ditën botërore të mjedisit, dua të bëj një apel mbi nevojën për t’u angazhuar të gjithë që pasuritë kombëtare, të shfrytëzohen me racionalitet, në funksion të mbrojtjes së mjedisit dhe zhvillimit ekonomik të qëndrueshëm të vendit.
Të kontribuojmë të gjithë për një mjedis më të pastër e më të shëndetshëm, të ruajmë resurset tona të jashtëzakonshme, pyjet, lumenjtë, florën e faunën dhe të orientohemi drejt produkteve bio, si mënyra më e mirë për të jetuar shëndetshëm e për të promovuar e mbrojtur bukuritë natyrore. Kujdesi ndaj mjedisit është përgjegjësia jonë ndaj gjeneratave të ardhshme.”-ka shkruar Meta bashkangjitur fotos me të birin./revistawho.com
https://www.instagram.com/ilirmeta.faqjazyrtare/?utm_source=ig_embed
