I ftuar në “Cherry On Top”, me Bora Zemanin, Ilir Shaqiri tha se shumë shpejt do t’i rikthehet televizionit shqiptar, këtë herë si moderator.
Emisioni do të përqëndrohet në talentet e shqiptarëve që jetojnë jashtë vendit.
Iliri vetë do të jetë autor dhe moderator i tij.
Programi mban emrin “Yjet Shqiptarë të Diasporës” dhe ka qëllim kryesor promovimin e shqiptarëve të cilët jetojnë larg vendit.
“Ne jemi një popull që vlejmë dhe këtë po e demonstrojmë sot më shumë se dikur. Çdo njeri që ka një baba, nënë (shqiptar/e), ose që ka lindur në Shqipëri dhe më vonë, jeta e ka përplasur përtej kufijve, do të ketë shansin e jashtëzakonshëm që të prezantohet në të gjitha ato që janë gjinitë e artit skenik; të tregojë vetveten dhe atë që dëshiron të jetë një ditë. Ndoshta, pse jo, të jetë edhe një figurë primare në Top Channel. Këtu do të bëhet një super finale, me talente nga e gjithë bota…”, ka thënë ai.
