Balerini i njohur, Ilir Shaqiri ka kryesuar me sukses për 7 vite jurinë profesioniste të ‘Dancing With The Stars Albania’, nga ku u bë i njohur dhe fitoi zemrat e publikut. Shpesh herë ai ka folur për lidhjen e fortë që ka me baletin, si një dashuri artistike dhe talent që e ka trashëguar nga mamaja e tij. Iliri nuk nguron të tregojë se ndihet shumë mirënjohës për gjithçka e ëma ka bërë dhe për këmbënguljen që ka treguar që djali i saj të arrijë suksesin që meriton. Kujtojmë që ajo ka qenë një balerinë e njohur e ‘Teatrit të Operas dhe Baletit’ shumë vite më parë. Pikërisht disa foto që i përkasin periudhës kur mamaja e tij performonte në skenë, ka ndarë sot Iliri me ndjekësit e tij.
“Ajo është mami im”,-shkruan ai krahas fotove të vjetra. Talenti rrjedh në gjak dhe këtë na e vërteton padyshim kjo familje artistësh./revistawho.com
