Kryetari i Kuvendit të Shqipërisë Ilir Meta dhe bashkëshortja e tij, Monika Kryemadhi së shpejti pritet të dalin në shitje. Sigurisht që e kemi fjalën për kukullat frymëzuar prej tyre, dhe për një kauzë bamirësie. Dy politikanët shqiptarë janë pjesë e nismës ndërkombëtare të bamirësisë nëpërmjet kukullave “MengMe”. Lajmi është bërë i ditur nga Olti Curri në profilin e tij të “Facebook”. Sipas njoftimit në këtë faqe, pas Albana Osmanit, Olti Currit, Ilir Metës dhe Monika Kryemadhit, mendohet që kukulla e ardhshme e personazheve të zgjedhur nga stafi i ‘MengMe’, do të jete ajo e Emina Çunmulaj.
