Disa ditë më parë, Ilnisa Agolli i dërgoi një mesazh mbështetës Rogertit përmes rubrikës “Big Love”. E ftuar në “Fan Club”, ish-banorja e Big Brother VIP 3 përdori një metaforë, duke e quajtur Rogertin “dentist”, ndërsa Selinën dhe Brikenën i cilësoi si “dhëmballa të prishura”.
Ajo tregoi gjithashtu se pas këtij mesazhi mbështetës ka marrë një numër të madh mesazhesh kërcënuese në privat.
“Unë përdora një krahasim që bëri zhurmë dhe që ndikoi edhe në reagimet që mora në mesazhe private, të cilat ishin shumë të shëmtuara, për këtë do flas më vonë. Në atë shtëpi ka ‘dhëmballa të prishura’, por edhe një ‘dentist’. Sipas mendimit tim, më e dëmtuara është Selina. Ka edhe një tjetër ‘dhëmballë’ problematike, që nuk duron as të ftohtin, as të nxehtin dhe as puthjet, që është Brikena. Ndërsa ‘dentisti’ është Rogerti. Për momentin po ndalem te këto dy ‘dhëmballa’ kryesore që kanë probleme serioze. Ndoshta edhe Miri mund të jetë ‘anestezisti’?
Rogerti është një djalë me përmbajtje dhe sinqeritet. Duhet kuptuar që ndryshe është një person në një reality show si Big Brother dhe ndryshe në jetën reale. Reagimet që mora pas mbështetjes ndaj tij ishin shumë të rënda, deri në mallkime. Nuk është normale të arrijmë në këto ekstreme vetëm sepse mbështes dikë. Nuk mund të sillemi kështu si tifozë të verbër për ‘kampin’ e Selinës apo Brikenës, sepse në fund të fundit, kjo nuk është asgjë tjetër veçse një shembull negativ për të ardhmen”, u shpreh ajo.
