Fotografia që shikoni më lart është një dhuratë e jashtëzakonshme që biznesmeni Behgjet Pacolli i ka bërë vendit të tij. Kompania e tij po ndërton ambientin ku do të mbahet “Expo 2017” ku Kosova do të marrë pjesë si shtet i pavarur. Këtë e ka njoftuar vetë biznesmeni në “Instagramin” e tij. “Një foto nga “EXPO 2017” e cila do të mbahet vitin e ardhshëm në kryeqytetin Astana të Kazakistanit. Jam shumë i lumtur për këtë projekt, pasi që është duke u ndërtuar kryesisht nga shqiptarët. Për më tepër, Kosova do të merr pjesë në këtë ngjarje si shtet i pavarur, dhe pa paguar asgjë. Është një dhuratë nga kompania ime për vendin tim”, shkruan Pacolli.
