Pas një vale thashethemesh që pushtuan mediat dhe rrjetet sociale, Anxhela Peristeri ka vendosur të flasë hapur për atë që ndodhi gjatë festivalit “Nona” në Përmet. Një video e shpërndarë në TikTok ndezi dyshime se këngëtarja ishte goditur nga një objekt gjatë performancës, por Peristeri mohon gjithçka.
Në një reagim në Instagram, ajo shkruan: “Të dashur miq e fansa që më keni shkruar gjithë ditën sot, dua t’ju them që jam shumë mirë! Nuk më ka prekur asnjë kanaçe në skenë, thjesht ka qenë një fëmijë i vogël që luante me atë kanaçen dhe e mora që të mos lëndohej. Si gjithmonë, lajmi është ekzagjeruar! Ju dua shumë dhe faleminderit për interesin që keni treguar.”
Gjatë performancës, organizatori i festivalit, Bled Mane, ndërhyri nga skena duke kërkuar që fëmijët të largoheshin nga shkallët dhe paralajmëroi se koncerti mund të ndërpritej nëse situata dilte jashtë kontrollit.
Përfundimisht, vetë Anxhela e ka quajtur gjithë zhurmën një keqkuptim dhe ka theksuar se nuk ka pasur asnjë incident serioz.
