Pas largimit të papritur nga “Big Brother VIP Albania 5”, Keijsi ka zgjedhur të flasë për herë të parë publikisht mbi gjithçka që përjetoi brenda shtëpisë më të famshme. I ftuar në “Big Brother Radio”, ish-banori ndau mendimet e tij për lojën, përplasjet dhe, mbi të gjitha, për marrëdhënien me Inën – një histori që ka ngjallur shumë diskutime jashtë.
Duke u ndalur te situata e debatit që u komentua gjerësisht nga publiku, Keijsi sqaroi se reagimi i tij nuk ishte i planifikuar, por instinktiv. Ai theksoi se, sipas tij, ishte një reagim i natyrshëm, duke nënvizuar se çdo mashkull do të vepronte njësoj kur bëhet fjalë për partneren.
Moderatorja e emisionit e vuri përballë një pyetjeje të drejtpërdrejtë: sa reale dhe e fortë ishte lidhja e tij me Inën, përtej asaj që publiku kishte parë në ekran. Përgjigjja e Keijsit ishte e qartë dhe pa ekuivok:
“Përderisa ishim shtrirë dhe po krijonim diçka së bashku, patjetër që është aq e afërt.”
Kur biseda kaloi tek ndjenjat dhe nëse ato vazhdojnë edhe pas përfundimit të eksperiencës në BBVA, Keijsi zgjodhi të përgjigjej shkurt, por me një frazë që tashmë po qarkullon kudo:
“Kam një shprehje të bukur për këtë: I’m too in love with Ina.”
