Koronavirusi ka shkaktuar frikë tek të gjithë njerëzit në mbarë botën. Të shumtë kanë qenë ata që kanë vërshuar drejt supermarketeve në fillim e më pas për t’u izoluar. Kështu ka ndodhur edhe me këngëtaren e njohur, Ingrit Gjoni. Gazetari Ervin Kurti dhe “E diell” kanë qenë në shtëpinë e saj verore në Gjirin e Lalzit, aty ku ajo po qëndron. Si një “sy kritik” që nuk i shpëton asgjë Ervini, hapi në një moment frigoriferin e saj, për të zbuluar se çfarë kishte brenda. Frigoriferi siç shihet dhe në videon e mëposhtme është i tej mbushur me produkte dhe Ingriti e justifikoi këtë gjë duke u shprehur se dhe ajo ishte kapluar nga frika në momentin që pandemia e virusit korona “mbërtheu” vendin tonë.
“Kështu që mora familjen u drejtova drejt supermarketit dhe bëra një super pazar, u shpreh këngëtarja brune. Me sa duket edhe Ingriti nuk i ka shpëtuar tensionit në momentet e para që vendi jonë u prek nga ky virus.
