Këngëtarja Ingrit Gjoni, ndryshe nga herët e tjera ku daljet e saj publike i bën në kuadër të videoklipeve apo projekteve televizive, këtë herë është bërë pjesë e një iniciative shumë humane.
Këngëtarja së bashku me disa kolegë të saj i është bashkuar kauzës për t’i ardhur në ndihmë të fëmijëve me aftësi të kufizuara.
“Jam shumë e lumtur që u bera pjesë e kësaj nisme, bashkë me kolegët e mi. Uroj që kjo nismë të jetë në mbarë Shqipërinë, do të jem shumë e lumtur që të jem pjesë e kësaj nisme edhe më tej në vazhdim. Faleminderit edhe publikut të gjerë që u bashkuan me ne në ndihmë të fëmijëve me aftësi të kufizuara. Ju dua ❤️❤️”- ka shkruar këngëtarja bashkangjitur fotos që ka publikuar në “Instagram” me dy nga fëmijët që janë pjesë e aktivitetit.
