Këngëtari i famshëm, Justin Bieber ka ndarë me të gjithë ndjekësit e tij në ‘Instagram’ një foto, ku ai reagonte ndaj një adrese e cila kishte publikuar fakte jo të vërteta dhe ofenduese ndaj tij. E veçanta e kësaj fotoje që 25-vjeçari kishte nxjerrë, ishte se padashur ai kishte zbuluar emrin e Selena Gomez.
‘Instagram’ është një program që të ndihmon të gjesh njerëz të rinj, por dhe ata që mund t’i njohësh. Në këtë rast aplikacioni i sugjeronte Justin të ndiqte ish-të dashurën e tij.
Kjo foto nuk kaloi pa u komentuar nga të gjithë fansat e këngëtarit, të cilët si gjithmonë kanë preferuar ta shohin atë krah dashurisë së tij të parë. Ata kanë spekuluar se kjo ka ndodhur për shkak se Bieber e ka kontrolluar shpeshherë profilin e Gomez.
Kujtojmë se prej disa muajsh Justin kurorëzoi dashurinë e tij në martesë me modelen, Hailey Baldwin./revistawho.com
