Interneti po zien nga lajmi se influencuesja Wizard Liz është tradhtuar nga i dashuri i saj. Liz është shumë e njohur në botën e Youtube dhe Tiktok nga videot e saj motivuese, drejtuar sidomos vajzave dhe grave.
Influencuesja, e cila pak kohë më parë njoftoi fejesën me të dashurin Landon Nickerson ka deklaruar përmes një postimi në Instastory se ai e ka tradhtuar teksa ajo është katër muajshe shtatzënë. Liz shkroi në llogarinë e saj në Instagram dhe ndau me detaje çfarë ndodhi.
“Landon vendosi të hapte një llogari në Snapchat dhe të kontaktonte një vajzë për t’u takuar. Vajza më kontaktoi mua, shoqes sime, sot dhe na tregoi provat.”, shkruan Liz.
Liz zbuloi se fillimisht, Landon i mohoi akuzat dhe i quajti provat të rreme. Me këtë postim ajo zbuloi se është katër muajshe shtatzënë. Liz u shpreh se ndihet sikur nuk e njeh fare Landon dhe ndihet budallaqe që i ka injoruar të gjitha shenjat.
Ajo deklaroi më tej:
“Ndihem budallaqe që i injorova shenjat dhe ëndrrat që pata për të cilat i tregova edhe atij, dhe ai më tha se isha e çmendur. Burrat duan të udhëheqin botën, por as nuk mund ta kontrollojnë epshin e tyre. Një burrë që nuk mund ta kontrollojë epshin e tij nuk do të jetë kurrë në gjendje të udhëheqë. Jam absolutisht e zemërthyer dhe e shokuar. Ata që më urrejnë mund të festojnë, megjithatë gjithmonë do të qesh e fundit. Ai humbi gjithçka, dhe unë fitova gjithçka. Falë Zotit.”
Liz tha se do ta shesë unazën e fejesës. Ajo shtoi se të gjitha paratë nga shitja do t’u dhurohen nënave beqare.
“Do ta shes unazën time të fejesës (rreth 100 mijë dollarë) dhe do t’ua dhuroj paratë nënave beqare. Më shumë pushtet grave. Amen.”
