INTERVISTA ME VRASËSIN / Ardit Gjebrea paditet në Gjykatë…

Intervista e realizuar me Marjan Rrokun, moderatorit Ardit Gjebras duket se do t’i kushtoj shumë! Ka qenë pikërisht babai i Alda Canaj, adoleshentes së vrarë në vitin 2001 nga ish-­oficeri i SHISH, Marjan Rroku, që ka depozituar sot në Gjykatë një padi ndaj Ardit Gjebreas. Sipas ‘Ballkanweb’, Fasni Canaj ka paditur për fyerje Ardit Gjebrean, ndërsa çështjen në ngarkim e ka marrë avokati, Saimir Visha. “Të dënohet me burg Ardit Gjebrea dhe televizioni ku u transmetua ajo intervistë”, është një prej kerkesave të babait i cili humbi gruan dhe vajzën në vitin 2001. Historia e Alda Canaj dhe nënës së saj që mbetën të vrara me armë zjarri në vitin 2001 u risoll në vëmendje nga Ardit Gjebrea në emisionin “E diela shqiptare”, ku moderatori intervistoi Marjan Rrokun nga qelia.