INTERVISTA ME VRASESIN/ Ardit Gjebrea: S’kam dhënë asnjë deklaratë, nesër jap opinion tim

Drejtuesi i “E diela shqiptare” përmes një statusi në rrjetet sociale, ka përgënjeshtruar një intervistë të botuar sot në gazetën “Shqiptarja.com”. Në këtë gazetë sot ka dalë rrëfimi i Ardit Gjebreas lidhur me intervsitën e shumëpërfolur me vrasësin e Mbarime dhe Alda Canajt, Marjan Rroku në burgun e Fushë-Krujës. Gjebrea shkruan se rrëfimi i tij në gazetë është i pavërtetë dhe nuk ka dhënë asnjë prononcim për asnjë gazetar. Më tej moderatori sqaron se nesër do të japë opnionin e tij lidhur me këtë çështje. “Kush nga gazetat ka marrë një prononcim timin që ende nuk e kam bërë? Cili apo cila gazetare me ka marrë një mendim në lidhje me ‘24 ore me…’? Jam kureshtar të di një emër që të firmosë atë çka unë i paskam thënë! Nejse, me jepni kohë që të mos shkruaj në këmbë, por të ulem e me qetësi të jap opinionin tim. Nesër më keni këtu, puna vazhdon”, ka shkruar Ardit Gjebrea.