Modelja shqiptare, Alesia Bami, u bë e njohur fillimisht nga prezantimi i saj si velinë në emisionin “Stop”, në televizionin “Klan”. Ditën e djeshme, modelja u bë kryefjala e portaleve shqiptare, pasi nuk ishte e pranishme në emision dhe për më tepër, ishte zëvëndësuar nga një velinë tjetër. Të gjithë menduan se kjo gjë ndodhi për shkak të intervistës së modeles në “Top Channel”, në programin “Festë në 5” të Bieta Sulos. Fillimisht, Alesia kishte vendosur të mos reagonte ndaj lajmeve, por ditën e sotme ka thyer heshtjen me një postim në ‘Instagram’ ku ka sqaruar të gjithë situatën.
“Të dashur miq!
Ashtu siç e keni vënë re dhe ashtu siç kanë shkruar portalet, unë nuk jam më pjesë e emisionit “Stop”. Kjo, për faktin e vetëm se dhashë një intervistë në “Top Channel” dhe më larguan nga puna në mënyrë flagrante me një sms. Kjo tregon nivelin e atyre që janë punëdhënësit tanë dhe sa të mbrojtur nga ligji janë punonjësit e media-ve, ku nuk respektohet asnjë llojë kontrate pune, aq më pak Kodi i Punës. Sigurisht, që unë nuk jam as e para dhe as e fundit. Jam e detyruar ta bëjë këtë sqarim për gjithë publikun tim dhe gjithë ata që më kanë shkruar dhe suportuar pa fund. Së shpejti, do të shihemi në një projekt të ri.
Ju dua, Alesia”.
Lajmet për largimin e Alesias, kanë marrë reagime të shumta nga fansat e saj./revistawho.com
