Anika dhe Shivai janë kthyer në çiftin më të pëlqyer të ekranit me rolet e tyre në “Bixhoz me dashurinë”. Në intervistën e mëposhtme që “Revistawho.com” sjell për ju, dy aktorët zbulojnë si u takuan për herë të parë, çfarë mendojnë për njëri-tjetrin e shumë të pathëna të tjera.
Na tregoni për herën e parë kur takuat.
Anika: Nuk kishim punuar kurrë së bashku më parë, kështu që nuk e njihja fare. Ne u takuam fillimisht në zyrën e televizionit dhe patëm një xhirim atje. Ai mu duk shumë i dashur. Ne nuk kemi ndërvepruar shumë, por mbaj mend qe isha e tensionuar.
Shivai: Ne ishim të huaj, ne nuk kemi as edhe ndonjë shok të përbashkët. Është e bukur se si e kemi zbuluar njëri-tjetrin përmes Bixhoz me dashurine.
Ju jeni cifti më i pelqyer i televizionit. Çfarë mendoni?
Shivai: Pavarësisht se ishim të panjohur në fillim, ne nuk ndienim asnjë siklet gjatë xhirimeve. Nuk më pëlqen të punoj me njerëz që njoh nga afër. Fillimisht, ne po zbulonim njëri-tjetrin dhe ushqehemi nga energjitë e njëri-tjetrit. Tani nuk mendojmë dy herë përpara se të bëjmë një skenë. Ne kemi arritur një nivel rehatie.
Cila është cilësia që ju pëlqen tek njëri-tjetri?
Shivai: Anika është fleksibile si aktore. Ajo bën pyetje të vlefshme dhe është e hapur për idetë e të tjerëve. Unë nuk do të isha në gjendje të luaj karakterin tim pa të. Ajo është një kolege shumë mbështetëse.
Anika: Ndihem me fat që kam mundësi për të punuar me të dhe e kam thënë këtë që nga dita e parë.
A ka diçka që ju nervozon tek njeri tjetri?
Anika: Fillimisht, ai ishte i fiksuar me flokët e tij (qesh). Kishte raste kur ne do të xhironim një skenë serioze dhe ai do të prekte flokët e tij. Por në atë kohë, nuk ishim aq shok, kështu që nuk ankohesha dot.
Shivai: Para se të xhirojmë një skene të rëndësishme, zakonisht përgatis veten dhe jam në një zonë të caktuar. Po kur ajo vjen në skenë fillon të flasë dhe kjo më shpërqëndron.
Si reagoni ndaj fansave tuaj të shumtë që duan që të jeni së bashku në jetën reale?
Anika: Publiku e di se ne po luajmë vetëm karaktere dhe ata janë të obsesionuar me ato karaktere. Ne jemi ndryshe nga çifti në ekran.
Çfarë kanë për të thënë familjet tuaja për ciftin tuaj?
Shivai: Gruaja ime (Jankee Parekh) absolutisht e do atë. Ajo mendon se ne dukemi mire së bashku.
Anika: Familja ime e pëlqen atë me shume se sa më pëlqen mua./revistawho.com
