Anthony Çako, emri artistik i të cilit është Tchako, ka vendosur të ecë në hapat e prindërve dhe karriera e tij duket se është në rritje. Anthony do të performojë ditën e sotme në ‘Sunny Hill Festival’, krahas dj-ve më të njohur shqiptarë dhe të huaj, siç është: Calvin Harris, Meduza, Bondax etj. Sigurisht familjarët dhe miqtë e tij të afërt janë krenarë për arritjen e Anthony-t dhe Inva Mula ka zgjedhur që performancën e djalit të saj ta ndjekë nga afër, duke e shoqëruar atë në Prishtinë. Diva e muzikës operistike, ka publikuar një video në ‘Instagram-in’ e saj, ku së bashku me Anthony-n përshëndesin ndjekësit. Anthony tani duket se është në fillimet e karrierës, megjithatë muzika e tij është pritur shumë mirë nga publiku shqiptar dhe i huaj. Pak kohë më parë ai ka qenë dhe në Korçë në festivalin ‘MIK’ që organizohej nga mamaja e tij dhe aty gjithashtu ka patur një pritje të ngrohtë nga publiku. Me pjesëmarrjen e saj në ‘Sunny Hill’, Inva Mula tregoi se ajo vazhdon të jetë mbështetja më e madhe e Anthony-t./revistawho.com
https://www.instagram.com/p/B0vjhT4AIRR/?igshid=1t33w5xcspatk
