Bukuroshja amerikane e cila numëron rreth 70 milion ndjekës në rrjetin social “Instagram” së fundmi është bërë pre e akuzave nga autoritet iraniane. Këto të fundit e kanë deklaruar se Kim Kardashian është një agjente sekrete e cila ka për synim të inkurajojë femrat e reja që të heqin dorë nga traditat konservative dhe të përdorin rrjetet sociale.
Përfaqësuesit e ‘Iranian Revolutionary Guards Corp’, një organizatë e ngritur për të ndihmuar mbrojtjen e traditave islamike të këtij shteti dhe pengimin e ndikimit të huaj, kanë vënë në pikëpyetje qëllimin e vërtetë për popullaritetin e Kimit në Internet, duke deklaruar se ajo është rekrutuar nga shefi i Instagramit Kevin Systrom, për të ‘shënjestruar djem dhe vajza të reja dhe për t’i shndërruar ato në modele’’.
