Blogerja e njohur Irena Kita, prej 7 vitesh është nënë e një vajze, Sofi. Në ‘Instagram’-in e Irenës i kemi parë se nënë e bijë janë të pandara me njëra-tjetrën. Prandaj për të rrëfyer për këtë lidhje kaq të fortë, Irena dhe Sofi, ishin të ftuara ditën e sotme në emisonin “Rudina”. Irena ka treguar se pas lindjes së vajzës dhe deri më sot jeta e saj ka ndryshuar shumë. Blogerja ka thënë se për të shtatzënia me vajzën ka qenë disi i vështirë, por sot Sofi është bekimi më i madh për Irenën.
“Unë kam kuptuar që më parë jam lumturuar kot sepse lumturia është kur bëhesh nënë. Që kur kam marrë vesh se do bëhesha nënë filluan emocionet. Kam patur një shtatzëni jo shumë të lehtë. Lindja ishte natyrale dhe zgjodha vetë të ishte ashtu. Kur e kam marr për herë të parë në duar më kanë rrjedhur lotët nga gëzimi. Unë e kam ushqyer me gji vajzën 1 vit e gjysmë dhe do inkurajoja të gjitha nënat ta bëjnë këtë sepse është një dhuratë që mund t’iu bëjmë fëmijëve të tyre. Deri në momentin që bëra analizën morfologjike në muajin e shtatë e dija që ishte djalë. Pasi bëra analizën doktori më tha se është vajzë”, – ka rrëfyer Irena.
Gjithashtu Irena ka treguar se për të nuk ka qenë shumë i vështirë prindërimi, sepse Sofinë e cilëson si një fëmijë shumë të dëgjueshëm. /revistawho.com
