Ironia, Mark Zuckerberg-ut i vjedhin Facebook-un

Ai vërtetë ka shpikur rrjetin social më të suksesshëm në histori, por Mark Zuckerberg nuk është në gjendje të shpikë një fjalëkalim të sigurtë për të mbrojtur llogarinë e tij. Kështu, sipas raportimeve të “Engadget”, bossi i Feacebook-ut ka rënë viktimë e hacker-ave. Mësohet se atij i kanë vedhur edhe llogaritë në Instagram, LinkedIn, Pinterest e Twitter. Kjo nuk i rezultoi shumë e vështirë, pasi ai përdorte të njëjtin fjalëkalim për të gjitha. Dhe nuk bëhet fjalë aspak për diçka të padeshifrueshme dhe shumë të vështirë për t’u gjetur. Fjalëkalimi ishte thjesht “dadada”. Mendohet se Zurkerberg ka zgjedhur rrokjet e para që ka thënë e bija.