Duket se Edi, ish-banori i “Big Brother VIP Kosova 3”, nuk ka mbaruar ende me botën e reality show-ve. Pasi u bë viral me frazën “do e thyej derën” gjatë kohës që ishte pjesë e formatit kosovar, ai po kërkon një “rikthim” — këtë herë në shtëpinë shqiptare të “Big Brother VIP Albania”.
Në një Instastory që u përhap me shpejtësi në rrjete sociale, Edi iu drejtua direkt produksionit të BBVA-së me një kërkesë plot humor:
“BBVA, dërgomani ftesën, s’di qysh me apliku,” – ka shkruar ai, duke shtuar një emoji me të qeshura.
Mesa duket, përvojat dhe dramat e “Big Brother VIP Kosova” nuk e kanë lodhur, por përkundrazi, e kanë bërë edhe më të etur për t’u rikthyer në qendër të vëmendjes.
Kjo nuk është hera e parë që Edi shpreh publikisht dëshirën për të qenë pjesë e edicionit shqiptar të reality show-t. Edhe gjatë sezonit të kaluar, kur Gjesti ishte në garë në BBVA 4, ai kishte bërë një thirrje të ngjashme.
Sezoni i pestë i “Big Brother VIP Albania” pritet të nisë rreth mesit të dhjetorit, edhe pse data e saktë ende nuk është konfirmuar. Deri atëherë, mbetet për t’u parë nëse dëshira e Edit do të shndërrohet në realitet — apo do të mbetet thjesht një Instastory që ndezi rrjetin.
