Artistja dhe ish-banorja e “Big Brother”, Xheisara Frisku, ka hyrë në një kapitull të ri të jetës së saj—atë të mëmësisë. Ajo ka sjellë në jetë vajzën e saj të parë, të cilën e ka quajtur Sol Maline, dhe ndjesitë që po përjeton, siç thotë vetë, janë të papërshkrueshme.
Përmes një postimi në Instagram, këngëtarja ka ndarë me ndjekësit momentet e para pas lindjes, duke publikuar edhe disa foto nga salla e maternitetit.
“Sot dua të flas për ndjesinë më të bukur të botës, atë që më bëri të përjetoj emocionet më të mëdha të jetës. Sol Maline – 9 muaj pritje e ëmbël, 9 muaj diskutime mes njëra-tjetrës dhe jo vetëm,” shkroi Xheisara, teksa u shpreh mirënjohëse për mjekun që e ndoqi gjatë gjithë shtatzënisë.
Ajo nuk harroi të falënderojë me zemër edhe Dr. Helidon Klosin, që e ka shoqëruar në këtë rrugëtim të rëndësishëm:
“Ne zgjodhëm që të kujdesej për ne të dyja doktorin më të mirë në botë, të paktën kështu na pëlqen ne t’i thërrasim. Doktor Helidon Klosi ishte ai të cilit unë i besova të gjithë rrugëtimin dhe ecurinë tonë.”
Me një përkushtim të ndjerë, Xheisara tregon se po mësohen pak nga pak me njëra-tjetrën dhe ndan me publikun emocionin e saj të thellë:
“Sot, pas shumë ditëve pa gjumë dhe pasi ne tashmë kemi filluar ta njohim më mirë njëra-tjetrën, gjej rastin ta falënderoj me shpirt për të gjithë durimin dhe dashurinë që na ka dhuruar, si mua, ashtu edhe bebit Sol.”
