Ish-banorja e njohur e “Big Brother VIP 4”, Rizarta Hoxha, ishte e ftuara e parë e sezonit të ri të emisionit “Wake Up”, ku rrëfeu për projektet e saj televizive dhe jetën private.
Gjatë intervistës, moderatorët nuk e lanë pa pyetur për fitimet që ajo merr nga rrjeti social “Instagram”, ku numëron mijëra ndjekës.
“Patjetër, është puna ime,” tha Hoxha kur u pyet nëse influencimi është aktiviteti i saj kryesor.
Kur u kërkua të tregonte një shifër konkrete, ajo sqaroi:
“Po, aq fitime sa e kam punë të plotë dhe gjithë energjinë time e investoj këtu. Minimalisht 4 mijë euro në muaj, pastaj varet sa aktive është.”
Rizarta nuk u ndal vetëm te financat. Ajo ndau me publikun edhe eksperiencat e saj nga jeta pas BBV dhe planet për të ardhmen në televizion dhe rrjete sociale.
