Një lajm i bukur ka ardhur nga blogerja e njohur dhe ish-banorja e edicionit të pestë të “Big Brother Albania”, Genta Gjalpi. Ajo ka ndarë me ndjekësit e saj lajmin se është në pritje të fëmijës së saj të parë.
Përmes një postimi të ndjerë në rrjetet sociale, Genta ka publikuar disa foto të bukura krah partnerit të saj, Arbrit, ku dallohet qartë barku i rrumbullakosur i shtatzënisë. Në mbishkrimin e postimit, ajo shpreh emocionet e forta dhe mirënjohjen për këtë kapitull të ri në jetën e saj:
“Do doja të shkruaja diçka, por s’po më vjen asnjë fjalim në mendje. Zoti po më jep atë që doja më shumë dhe jam falenderuese pa masë. Falenderoj shumë të gjithë njerëzit që më kanë qëndruar afër këto 4 muaj.”
Në një tjetër moment të veçantë, gjatë festës së ditëlindjes së saj, Genta ndau një tjetër ndjesi të thellë me ndjekësit. Teksa fryn qiriun e tortës, ajo kujton dëshirën që kishte shprehur një vit më parë për t’u bërë nënë — një dëshirë që tashmë është bërë realitet. Ajo shkroi se ndonëse ndjen ende mungesën e gjyshërve të saj, prania e vogëlushit që pritet ta sjellë në jetë e bën të ndihet e plotësuar dhe kurrë vetëm.
Ky lajm ka ngjallur reagime të shumta pozitive dhe urime të përzemërta nga ndjekësit e saj, të cilët kanë ndarë gëzimin dhe emocionin me Gentën dhe Arbrin në këtë udhëtim të ri dhe të bekuar të jetës së tyre.
