E ftuar pasditen e sotme në “Pasdite në Top Channel”, ka qenë ish-banorja e “Big Brother 2”, Aida Troka. Ajo ka folur për jetën e saj pas kaq shumë vitesh dhe për eksperiencën e dikurshme në shtëpinë më të famshme. “Big Brother është eksperiencë e rrallë. Të jetosh me shumë njerëz në një shtëpi tjetër është e çuditshme. Çdo gjë që përjetoje aty, ishte e re. Nuk e bëra për famë, them se ishte mosha”, tregon Aida.
Ajo ka treguar se pas Big Brother është fokusuar në menaxhim e drejtim, jo në financë.
Ndërsa për marrëdhëniet me banorët ka zbuluar: “Kam fituar miq nga ajo eksperiencë, njohje pafund. U bëra e famshme kur dola dhe kjo gjë më shijoi. Për të humbur nuk kam humbur asgjë. Kam marrëdhënie të mira me banorët dhe takohemi, por sigurisht që jo shpesh”./revistawho.com
