Ish-bashkëshorti yllin turk: Nuk më ka tradhtuar!

Aktori Onur Saylak ka mbrojtur ish-bashkëshorten e tij, Tuba
Buyukustun, duke hedhur poshtë raportimet se ajo kishte nisur
një lidhje jashtëmartesore gjatë kohës që ishte e martuar me të.
Aktorja 35-vjeçare e njohur si Elif e “Diamante dhe Dashuri” u
martua me Saylak në vitin 2011, teksa zyrtarisht u divorcua
vetëm pak muaj më parë.
Media turke kishte raportuar se Tuba kishte nisur një lidhje me
biznesmenin Umut Evirgen para se të divorcohej nga babai i dy
vajzave të saj.
Por Saylak reagoi shumë ashpër ndaj këtyre raportimeve. “Me
Tubën nuk jemi divorcuar se ka të dashur. Nuk ekziston një
idiotësi e tillë. Kjo është një fyerje si për të edhe për mua. Lidhja
jonë kishte përfunduar prej kohësh. Për hatër të fëmijëve e
provuam sërish, por nuk u bë”. Ai theksoi se lidhja e Tuba-s me Evirgenin kishte nisur pas divorcit. “Tuba është nëna e fëmijëve të mi. Po e them hapur një gjë të tillë pasi nuk dua të përflitet më shumë”, tha ai sipas “HaberTurk”. /tvklan.al