Ish-burri del kundër Simona Ventura-s: Ajo s’më flet me gojë, nxorri më të keqen e saj

Pjesëmarrja si konkurrente në “Isola dei famosi” e Simona Ventura-s e cila dikur e ka prezantuar vetë, në fillim u duk si një gjetje interesante. Por nuk rezultoi kështu. Ajo u eliminua me shumicë votash dhe u komentua si zhgënjyese tek publiku. Po aq i zhgënyer prej saj, shprehet dhe ish-burri i Simonës, Stefano Bettarini. “Pjesëmarrja e saj më zhgënjeu. E njoh mirë dhe pas shumë vitesh si protagoniste, ky roli dytësor nuk i shkon më për shtat. Ky ishull nxorri më të keqen e saj. Mbizotëroi mania e saj e protagonizmit. Ne nuk flasim prej dy vjetësh, vendim i saj. Kur ka diçka për të më komunikuar mbi fëmijët, ma thotë përmes asistentes. Në këtë pikë kemi arritur, dhe a e dini pse… Është ofenduar sepse në një debat me kolegen e saj, unë mbajta anën e koleges”, ka treguar ish-bashkëshorti i prezantueses.