Ish-deputetja serbe, Radaj Trajkoviç, ka vlerësuar hapur këngëtaren nga Kosova me famë botërore, Dua Lipa. “Çdokush nga Kosova, serb apo shqiptar duhet të krenohet me suksesin ndërkombëtar të kësaj femre. Impresionuese! Vlerësimi i kulturës, qoftë ai i një Kishe madhështore apo i një ylli të talentuar të popit duhet të bashkohet, e jo të na ndajë”, shkruan ajo në një postim në Twitter, teksa ka ndarë lajmin e një tjetër rekordit të këngëtares shqiptare. Ajo ka shitur 153 milionë regjistrime në gjithë botën dhe është ndër artistet më të suksesshme në histori.
