Modelja kanadeze Lexi Wood ka rrëfyer për herë të parë detaje nga marrëdhënia e saj me Brooklyn Beckham, duke zbuluar se lidhja e tyre ishte më serioze se ç’ishte perceptuar. Në një intervistë për Daily Mail, ajo tha:
“Ne ishim shumë të rinj dhe donim privatësi. Mendoj se zgjati më gjatë nga sa mendonin njerëzit.”
Historia e tyre nisi në vitin 2018, menjëherë pas ndarjes së Brooklyn-it nga aktorja Chloë Grace Moretz. Çifti u fotografua duke u puthur në një studio tatuazhesh në Los Anxhelos, por sipas Lexit, lidhja kishte filluar më herët dhe zgjati mbi një vit.
Megjithëse e shkuara e saj me djalin e madh të familjes Beckham ka marrë vëmendje, Lexi nuk i kurseu fjalët e mira për të:
“Brooklyn është një person i mrekullueshëm. Jam e lumtur që ka gjetur dashurinë e tij me Nicolan. I uroj të dyve vetëm më të mirat.”
Ajo shtoi gjithashtu se ka pasur mundësi të njohë pjesë të familjes Peltz, duke i përshkruar si njerëz të jashtëzakonshëm.
Brooklyn, sot 26 vjeç, u martua me aktoren Nicola Peltz në prill 2022 në Palm Beach. Dasma luksoze bëri bujë, por po aq dhe thashethemet për tensione me familjen Beckham, sidomos pas ceremonisë së dytë ku prindërit e tij nuk morën pjesë.
Duke folur për përvojën e saj me familjen Beckham, Lexi tregoi kujtime pozitive:
“Unë mund të flas vetëm nga përvoja ime, dhe ajo ishte e mrekullueshme. Romeo dhe Cruz janë ndër njerëzit më të mirë që kam takuar.”
Një dëshmi e sinqertë që tregon se, pavarësisht ndarjes, kujtimet e saj me Brooklyn dhe familjen e tij mbeten të ngrohta.
