Duket se milioneri kosovar është në probleme serioze me ish gruan e tij. Hetem Ramadani, i cili konsiderohet edhe si Baroni i naftës, është në një betejë divorci me ish bashkëshorten e tij për çështjet e pasurisë siç shkruan edhe gazeta britanike “Evening Standard”.
Çifti i cili ka prishur martesën në vitin 2011 në gjykatën sllovene, ka ndarë edhe pasurinë prej 3.5 milion euro.
Mirëpo ish-gruaja, Hazbije Ramadani pretendon se Hetemi ka një pasuri prej 48 milionë euro, ndaj ka kërkuar që çështja të shqyrtohet edhe më tej.
Për këtë arsye Hetemi i është drejtuar Gjykatës së Apelit në Londër për të shfuqizuar vendimin.
